Cantonese Nursery Rhymes

Although they are becoming less and less popular in the modern hi-tech society, nursery rhymes still bear the fond memories of many.

There are many Cantonese nursery rhymes. Some of them are as short as a simple sentence, while some others are as long as a short story. There are also many interesting variations of these rhymes as they were passed down through the generations. I’m just trying to collect some good old memories of my own in this page. Please feel free to contact me (Zmx5aW5nQGZseWluZy13Lm5ldA==) shall you want to share your good memories with me, too.

• 年卅晚，摘槟榔

  月光光，照地塘，
  年卅晚，摘槟榔；
  槟榔香，喫子姜；
  子姜辣，买菩荙；
  菩荙苦，买猪肚；
  猪肚肥，买牛皮；
  牛皮薄，买菱角；
  菱角尖，买马鞭；
  马鞭长，起屋梁；
  屋梁高，买张刀；
  刀切菜，买箩盖；
  箩盖圆，买条船；
  船沉底，
  浸死啲红毛番鬼仔；
  一个浮头，一个沉底；
  一个匿埋门扇底，
  偷钱去买油炸鬼。

• 月光光

  月光光，照地塘，
  孲囝你乖乖瞓落床。
  听朝阿妈要赶插秧啰，
  阿爷睇牛佢上山岗。
  哦……
  孲囝你快高长大啰，
  帮手阿爷去睇牛羊。
  哦……

  月光光，照地塘，
  孲囝你乖乖瞓落床。
  听朝阿爸要捕鱼虾啰，
  阿嫲织网要到天光。
  哦……
  孲囝你快高长大啰，
  撑艇撒网就更在行。
  哦……

  月光光，照地塘，
  年卅晚，摘槟榔，
  五谷丰收堆满仓啰，
  老老嫩嫩喜洋洋。
  哦……
  孲囝你快啲眯埋眼啰，
  一觉瞓到大天光。
  哦……

• 十梳歌

  一梳梳到尾；
  二梳（我哋嘅姑娘）白发齐眉；
  三梳（姑娘）儿孙满地；
  四梳老爷行好运，出路相逢遇贵人；
  五梳五子登科来接契，五条银笋百样齐；
  六梳亲朋来助庆，香闺对镜染胭红；
  七梳七姐下凡配董永，鹊桥高架互轻平；
  八梳八仙来贺寿，宝鸭穿莲洞外游；
  九梳九子连环样样有；
  十梳夫妻两老就到白头。

• 鸡公仔 _I

  鸡公仔，尾弯弯，
  做人新妇甚艰难。
  早早起身都话晏，
  眼泪唔干入下间。
  下间有个冬瓜仔，
  问过安人煮定蒸。
  安人话煮，老爷话蒸，
  蒸蒸煮煮唔中意。
  大秅揦盐佢话淡，
  手甲挑盐又话咸。
  三朝打烂三条夹木棍，
  四朝跪烂四条裙，
  重话：
  “咁好花裙畀你跪烂，
  咁好石头畀你跪崩。”
  横又难，直又难，
  不如舍命落阴间。
  人话阴间条路好，
  我话阴间条路好艰难。

• 鸡公仔 _II

  鸡公仔，尾婆娑，
  三岁孩儿学唱歌。
  唔使爹娘教导我，
  自己精㦟无奈何。

• 凼凼转

  凼凼转，菊花圆，
  炒米饼，糯米团。
  阿妈叫我睇龙船。
  我唔睇，睇鸡仔。
  鸡仔大，搦去卖，
  卖得几多钱？
  卖得三百六十五个仙。

• 打开蚊帐

  打开蚊帐，打开蚊帐，
  有只蚊，有只蚊。
  快啲攞把扇嚟，快啲攞把扇嚟，
  拨走佢，拨走佢！

• 河边有只羊

  河边有只羊，
  河边有只象，
  河边有只犸猱仔，
  好似你噉样！

• 落雨大 _I

  落雨大，水浸街，
  阿哥担柴上街卖，
  阿妹出街着花鞋。
  花鞋花袜花腰带，
  珍珠蝴蝶两边排。
  有钱打对铃琳鼓，
  冇钱打个石楼牌。

• 落雨大 _II

  落雨大，水浸街，
  阿哥担柴上街卖，
  阿嫂教我绣花鞋。
  花鞋花袜花腰带，
  珍珠蝴蝶两边排。
  有钱打对铃琳鼓，
  冇钱打个石楼牌。

• 排排坐 _I

  排排坐，食粉果。
  猪拉柴，狗透火，
  猫儿担凳姑婆坐，
  老鼠吹笛送姑婆。
  送到姑婆门口坐，
  问下姑婆：“劏鸡定劏鹅？”

• 排排坐 _II

  排排坐，食粉果。
  猪拉柴，狗透火，
  猫儿担凳姑婆坐，
  坐埋一齐唱支歌。

• 排排坐 _III

  排排坐，食果果，
  猫儿担凳畀姑婆坐。
  坐烂个屎朏唔好赖我，
  赖返隔篱个二叔婆。

• 点虫虫

  点虫虫，虫虫飞，
  飞到荔枝基。
  荔枝熟，摘满屋。
  屋满红，陪住个细伩公。

• 捉大贼

  点指兵兵，
  点指贼贼；
  点着谁人做大兵，
  点着谁人做大贼。

• 萝卜头

  萝卜头，𩅼豉油。
  𩅼得多，咸过头；
  𩅼得少，淡茂茂。
  佢以为，好正斗，
  点不知畀人踢𦣇柚，
  一踢踢到西门口！

• 男人头

  男人头，女屎朏，
  男厕、女厕都入得。

• ⨯⨯⨯

  ⨯⨯⨯个头，大过五层楼；
  ⨯⨯⨯只手，细过荷兰豆；
  ⨯⨯⨯嘅屎朏屙豆豆。

• 跳皮筋

  董存瑞，十八岁，
  为国牺牲炸堡垒。
  炸到堡垒ngok⁷ngok⁷脆，
  全国人民流眼泪。
  美国出个霹雳弹，
  朝鲜出个垃圾篸。
  铲、铲、铲，
  铲到飞机落炸弹。

• 大笨象，揸支枪

  大笨象，揸支枪，去打仗。
  打唔赢，返嚟食碗辣椒酱。
  隔篱屋企烧炮仗，
  问你响唔响。
  唔响奖你两巴掌！

• 肥豚豚

  肥佬肥豚豚，
  买嚿猪肉去拜神。
  行到半路屎朏痕，
  返到屋企冇嗮人，
  打开痰罐有敌人，
  肥佬只好做难民。

• 肥婆跳舞

  一二三四五六七，
  肥婆跳舞顶第一。
  跳得高裤头甩，
  跳得矮唔好睇。

• 定身

  一、二、三，
  解放台湾！

• 麻雀仔

  麻雀仔，叼树枝，
  叼上冈头望阿姨。
  阿姨梳只崩沙蝴蝶髻，
  摘朵红花伴髻围。

• 椰子夹酸姜

  dam¹dam¹酸姜，椰子夹酸姜，
  鸡蛋煲茶十五样。
  又担旗又担杆，
  红毛火水醃酸姜，
  醃完一件又一件。

• 执到两分钱

  执到两分钱，
  留返过年。
  过年有嘢食，
  留畀毛主席。
  主席话我乖，
  带我出街。
  执到一张纸，
  写住“大地主”。

• 羞

  羞、羞、羞，
  羞甩只耳仔送烧酒。

• 阿弥陀佛

  阿弥陀佛，
  食屎屙榄核。

• 又喊又笑

  又喊又笑，
  乌蝇打醮，
  蠄蟧攋尿，
  老鼠行桥，
  猫儿偷笑。

• ⨯⨯⨯同志

  ⨯⨯⨯同志，勇敢又机智；
  揸住个灭火筒，冲入女厕。
  人哋问佢几次，佢话一次；
  人哋话唔止，佢话一万次。

• ⨯⨯⨯，冲入女厕所

  ⨯⨯⨯，冲入女厕所，
  畀人促住咗。
  查佢户口簿，
  原来咸湿佬；
  查佢身份证，
  原来反革命。

• 卖懒

  卖懒，卖懒，
  卖到年卅晚，
  人懒我唔懒。

• 猪头丙

  猪头丙，扮老醒，
  其实唔值个斗零。

• 没水底

  没水底，摸泥沙，
  摸到泥沙当金龟，
  摸唔到系契弟。

• 劈友

  劈友、劈友，快啲走，
  走得快，好世界，
  走得嚤，无鼻go¹。

• 拍大髀

  拍大髀，唱山歌，
  人人话我冇老婆，
  扚起心肝娶返个。
  有钱娶个娇娇女，
  冇钱娶个豆皮婆。
  豆皮婆，
  食饭食得多，
  屙屎屙两箩，
  屙尿冲大河，
  屙屁打铜锣。

• 黐塘尾

  黐塘尾，塘尾飞，
  飞到菜田基。
  田基有条蛇，
  吓亲你两囝爷。

• 攋尿虾

  攋尿虾，炒冬瓜。
  炒唔熟，赖阿妈。
  阿妈生着你哨牙
  成日刨西瓜。

• 猜呈寻 _I

  呈寻剪，
  呈寻包，
  呈寻糯米叉烧包，
  执到粮票买面包。

• 猜呈寻 _II

  呈寻剪，
  呈寻包，
  呈寻糯米叉烧包。
  老鼠唔食香口胶，
  要食豆沙包。

• 落雨溦溦

  落雨溦溦，水浸田基；
  田基有条蛇，吓亲大老爷；
  老爷有支枪，吓亲大姑娘；
  姑娘有粒糖，吓亲国民党。

• 人之初

  人之初，狗虱多。
  狗虱唔咬我，
  专咬先生两公婆。

• 咕噜咕噜

  纸皮纸皮打纸皮，
  上上下下左左右右前前后后。
  咕噜咕噜一，
  咕噜咕噜二，
  咕噜咕噜三，
  准备开炮打敌人。

• 放臭屁

  屁，系肚中之气。
  放佢出嚟游洒天地。
  鬼叫你咁贪心，
  闻咗我个屁。
  嗍咗入个鼻，
  我要你赔返二两四。

• 骑牛牛

  骑牛牛，牛牛走，
  牛牛向前咪回头，
  若然回头就打𦣇柚。

• 㵦滑梯

  细伩仔，㵦滑梯，
  慇住跌落嚟。
  咪学陈德贵，
  成日流鼻涕，
  跌亲个𦣇柚唔好睇。

• 游龙舟

  龙舟舟，出街游，
  姐妹行埋莫打斗，
  封封利市迮龙头。
  龙头龙尾添福寿，
  老少平安到白头。

• 嗳姑乖

  嗳姑乖，嗳姑大，
  嗳大姑仔嫁后街。
  后街有啲乜嘢卖？
  有啲鲜鱼、鲜肉卖，
  重有鲜花戴。
  戴唔嗮，
  跌落床头畀老鼠拉。
  拉去边？
  拉去大新街。
  大新街有个扯皮鞋，
  扯下开，又扯下埋。

• 重男轻女

  西关小姐晒红裙，
  翻嚟翻去唔均匀。
  阿爹爱男唔爱女，
  阿妈拉男撇女开。
  今世做人做错女，
  后世做女我唔嚟。

• 洗白白

  洗白白，洗白白，
  倒开盆水啰，
  快洗白白。
  乖猪咪乱逳咋，
  听话唔好孬啰，
  倒开盆水啰，
  快洗白白。
  干净嘅细伩仔呢，
  人人都中意，
  倒开盆水啰，
  快洗白白。
  ……

• 大食懒

  大食懒，
  起身晏，
  洗冻水，
  食冷饭。

• 大煲粥

  大煲粥，大煲粥，
  单料铜煲，
  一滚就熟。